De Blaue Engel is en plattdüütsch Theaterstück na Heinrich Mann sien hoochdüütschen Roman Professor Unrat.
Mann hett den Professor Unrat 1904 schreven un een Johr later is dat Book in’n Verlag Albert Langen rutkamen. De Theaterversion vun dat Book, de Frank Grupe in’t Plattdüütsche översett hett, hett an’n 5. Oktober 2008 sien Premier an’t Ohnsorg-Theater hatt. Beröhmt is ok de Film Der blaue Engel vun 1930 mit Marlene Dietrich.